Dychwelodd Iwan Griffiths i chwarae ar Fwrdd 1 ac roedd ei Amddiffyniad Ffrengig mor gadarn ag arfer. Roedd yn chwarae yn erbyn y chwaraewr profiadol, Mathew Francis, ac wedi gêm agos a chwarae tactegol cytunodd y ddau chwaraewr i dderbyn gêm gyfartal.

Yn dilyn dechrau cyfartal ar Fwrdd 2 llwyddodd Owen Llywelyn i ennill mantais dros Tony Geraghty a bu ar y blaen am y rhan fwyaf o’r gêm. Collodd serch hynny wedi i’w wrthwynebydd osod trap a chipio dau ddarn tua diwedd y gêm – swindled yw’r term gwyddbwyll am golli fel hyn!

Roedd Emyr Llywelyn oedd yn chwarae gyda’r darnau du ar Fwrdd 3 a llwyddodd i gipio dau ddarn oddi ar ei wrthwynebydd a datblygu ymosodiad cryf gyda’i werinwyr. Cael a chael oedd hi, ond collodd yn y diwedd wedi James Corrigan frwydro nôl ar ddiwedd y gêm.

Doedd Tegwyn Jones ddim ar gael i chwarae i Gwyddbwyll.com, a’r canlyniad felly oedd 3½-½ i Aberystwyth B. Gallwch weld y gêmau isod, a llwytho ffeil pgn ohonyn nhw gyda sylwadau gan Rudy van Kemenade.

Bwrdd 1

Bwrdd 2

Bwrdd 3

Doedd Iwan Griffiths, chwaraewr Bwrdd 1 arferol Gwyddbwyll.com ddim ar gael, a chwaraeodd Owen Llywelyn amddiffyniad Nimzo-Indiaidd yn ateb i d4 ei wrthwynebydd John Miller. Wedi dechrau cyfartal daeth esgobion sgwariau gwyn y ddau chwaraewr yn allweddol, gyda John Miller yn llwyddo i guro’i wrthwynebydd drwy ei reolaeth gelfydd o sgwâr c8.

Ar Fwrdd 2 cafodd Tegwyn Jones fwy o lwyddiant gyda’r darnau gwyn yn erbyn ei wrthwynebydd Robbie Coles. Roedd yn ornest gyffrous lle llwyddodd y ddau chwaraewr i ennill mantais ar adegau gwahanol yn y gêm. Yn y diwedd cytunwyd i dderbyn gêm gyfartal wrth i gloc Tegwyn symud yn agos at y faner.

Llwyddodd Emyr Llywelyn oedd yn chwarae gyda’r darnau du ar Fwrdd 3 i guro’i wrthwynebydd Tim Kirby. Datblygodd gêm agored a chyffrous o’r agoriad Semi-Slav, ac yn dilyn ymosodiad cryf gyda’i werinwyr gorfododd Emyr Llywelyn, oedd gastell ar y blaen, ei wrthwynebydd i gyfnewid y ddwy frenhines, ac ildiodd Tim Kirby.

Y canlyniad felly oedd 1½-2½ i Hwlffordd.

Bwrdd 1

Bwrdd 2

Bwrdd 3

Gallwch weld y gêmau isod, a llwytho ffeil pgn ohonyn nhw gyda sylwadau gan Rudy van Kemenade.

Bwrdd 1

Bwrdd 3

Bwrdd 4

Gallwch weld y gêmau isod, a llwytho ffeil pgn ohonyn nhw gyda sylwadau gan Rudy van Kemenade.

Bwrdd 1

Bwrdd 3

Bwrdd 4

Ar Fwrdd 1 roedd Iwan Griffiths yn herio’r chwaraewr profiadol Rudy van Kemenade. Llwyddodd Iwan i wrthsefyll pwysau gan Rudy am gyfnod hir, ond colli fu ei hanes yn y diwedd. Doedd pethau ddim cystal o’r dechrau ar Fwrdd 2. Roedd Mathew Francis ac Owen Llywelyn wedi cael nifer o gêmau cyfartal yn y gorffennol, gydag Owen yn ateb e4 gydag Agoriad Caro-Kann bob tro. Y tro hwn roedd Mathew wedi paratoi’n drylwyr ar gyfer yr agoriad hwn gyda llinell ymosodol (4. h4) a thynnodd amddiffyn du yn ddarnau. Ar Fwrdd 3 roedd David Moore yn chwarae am yr eildro i dîm Gwyddbwyll.com. Wedi agoriad cadarn llwyddodd David i ennill darn wrth gyfnewid yn ystod symudiadau 18-20, ac aeth ati i roi pwysau ar ei wrthwynebydd a’i guro gyda chwarae cadarn a chywir. Ar Fwrdd 4 manteisiodd Tegwyn Jones ar gamgymeriad gan Anthony Geraghty. Gyda Geraghty mewn Siach cydiodd yn ei Frenhines gyda’r bwriad o gyfnewid darnau, cyn sylweddoli y byddai’n rhaid iddo ei symud a’i haberthu gan ei fod wedi cyffwrdd ynddi. Aeth Tegwyn ymlaen i ennill y gêm a sicrhau gêm gyfartal i Gwyddbwyll.com yn erbyn gwrthwynebwyr llawer cryfach.

Gallwch weld y gêmau isod, a llwytho ffeil pgn ohonyn nhw gyda sylwadau gan Rudy van Kemenade.

Bwrdd 1

Bwrdd 3

Bwrdd 4

Gallwch weld y gêmau isod, a llwytho ffeil pgn ohonyn nhw gyda sylwadau gan Rudy van Kemenade.

Bwrdd 1

Bwrdd 2